Addysg ac Ysgol
Yng Nghymru, mae oedolion yn poeni oherwydd bod mwy o blant yn colli ysgol nag oedd cyn pandemig Cofid-19. Gall mynd i'r ysgol yn rheolaidd helpu plant i ddysgu a gwneud yn dda yn ddiweddarach mewn bywyd. Mae gan bob plentyn yng Nghymru hawl i addysg, a nodir yn Erthygl 28 o Gonfensiwn y Cenhedloedd Unedig ar Hawliau'r Plentyn. Mae hyn yn golygu bod gan oedolion gyfrifoldeb i sicrhau bod yr ysgol yn lle sy'n groesawgar, yn deg ac yn gefnogol, lle mae plant yn teimlo'n abl ac eisiau mynd i ddysgu a ffynnu.
Ein Prosiect
Nod y prosiect ymchwil hwn yw deall sut beth yw ysgol i blant a phobl ifanc, a beth allai beri i rai plant beidio â bod eisiau mynd i'r ysgol.
Rydym am glywed yn uniongyrchol gan blant am eu profiadau, eu meddyliau a'u syniadau am ysgol yng Nghymru. Bydd yr hyn a ddysgwn yn helpu ysgolion a phobl sy'n gwneud penderfyniadau am addysg i gefnogi plant yn well a deall newidiadau mewn presenoldeb yn yr ysgol ers pandemig Covid-19.
Gwybodaeth i Athrawon, Rhieni a Gofalwyr
Pecyn Gwers
Mae'r Pecyn Gwers dwyieithog hwn wedi'i gynllunio i'w ddefnyddio gan athrawon yng Nghymru i helpu plant a phobl ifanc i archwilio eu Hawl i Addysg (Erthygl 28, CCUHP) ac i gysylltu'r hawl hon â'u profiadau eu hunain.